Beyləqanın icra başçısı vəzifədən getdi
Oktyabrın 5-də prezident İlham Əliyev sərəncam imzalayaraq Vaqif Abdullayevi Beyləqan Rayon İcra Hakimiyyətinin başçısı vəzifəsindən azad edib.
Novator.az bildirir ki, Vaqif Abdullayev 1956-cı ildə Ermənistanda anadan olub. İndiki Dövlət İdarəçilik Akademiyasını bitirib. Siyasi elmlər doktoru, professordur.
1992-1994-cü illərdə Prezidentin İcra Aparatının nəşri olan “Yurd” jurnalında şöbə müdiri, 1994-2000-ci illərdə Prezidentin İşlər İdarəsində məsləhətçi vəzifəsində işləyib. 2000-2005-ci illərdə Milli Məclisin deputatı olub.
2007-ci ildən Xızı Rayon İcra Hakimiyyətinin başçısı postunu tutub.
2012-ci il aprelin 10-dan Beyləqan Rayon İcra Hakimiyyətinin başçısı idi.
3-cü dərəcəli “Vətənə xidmətə görə” ordeni laureatıdır.
