Yaşıl meydanlarda durum
Fransa milli futbol çempionatında 8-ci tur geridə qalıb. Novator.az-ın məlumatına görə, turnir cədvəlinə 24 xalla PSJ başçılıq edir. “Lill” 16, “Monpelye” və “Sent-Etyenn” 15, “Lion” 14, “Marsel” 13 xal toplayıb.
İngiltərə çempionatında 7 turdan sonra “Mançester Siti” və “Liverpul” 19 xalla zirvəni bölüşürlər. Bu komandaları 17 xalla “Çelsi” izləyir. “Tottenhem” və “Arsenal”in 15 xalı var.
7 turu arxada qoyan İspaniya çempionatında “Barselona” və “Real” öndə dayanırlar – 14 xal. “Sevilya” 13, “Atletiko” və “Betis” 12 xal yığıb.
İtaliyada 7 turun ardından 21 xalla “Yuventus” liderdir. 15 xalı olan “Napoli” ikinci pillədə dayanır. “Fiorentina”, “İnter” və “Sassuolo” 13 xal ala bilib.
Almaniya çempionatında 6 tur oynanıb, Dortmund “Borussiya”sı 14 xalla ilk yerdədir. “Bavariya” və “Herta” zirvə sahibini 13, “Borussiya” (Mönhenqladbah), “Verder” və “Leypsiq” 11 xalla təqib edir.
