Ən çox qoyulan adlar
2018-ci ilin yanvar-sentyabr aylarında Azərbaycanda doğulmuş uşaqlara ən çox qoyulan adlar bəlli olub.
Novator.az bildirir ki, oğlan adları içində Yusif öndədir. Bu ad 9 ayda 1763 uşağa verilib.
Digər populyar adlar belə sıralanır: Əli (1433 uşaq), Hüseyn (1294), Uğur (1113), Ömər (1101), Məhəmməd (955), Murad (944), Ayxan (792), Tunar (679), İbrahim (525).
Qız uşaqlarına qoyulan ən populyar ad Zəhradır. Ədliyyə Nazirliyinin təqdim etdiyi statistikaya əsasən, Zəhra adını 9 ayda 1770 uşaq alıb.
Populyar adlar onluğunda Nuray (1227 uşaq), Aylin (1167), Məryəm (1151), Zeynəb (1043), Fatimə (978), Mələk (939), İnci (859), Dəniz (736), Mədinə də (700) var.
