Oktyabrın 1-i Bakıda sərnişin avtobusu qatarla toqquşub.

Hadisə paytaxtın Binə qəsəbəsində, dəmiryolu keçidində baş verib. Məlumata görə, 160 saylı marşrut avtobusunun yük qatarı ilə toqquşması nəticəsində 30-dan çox adam xəsarət alıb, bir nəfər həlak olub. Həlak olan orta məktəb şagirdidir.

Daxili İşlər Nazirliyinin Baş Nəqliyyat İdarəsində Cinayət Məcəlləsinin 263.2-ci (Yol hərəkəti və nəqliyyat vasitələrinin istismarı qaydalarını pozma, ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanıb.