Dövlət Duması qadına güzəşt layihəsinə razılaşdı
Sentyabrın 26-da Rusiya parlamentinin aşağı palatası – Dövlət Duması pensiya yaşını yüksəldən qanun layihəsinə yenidən baxıb.
İndi Rusiyada kişilər 60, qadınlar 55 yaşında pensiyaya çıxır. İyulda Dövlət Duması kişinin pensiya yaşını 65-ə, qadının pensiya yaşını 63-ə qaldıran layihə qəbul edib.
Novator.az-ın məlumatına görə, prezident Vladimir Putinin müraciətini nəzərə alan Dövlət Duması sentyabrın 26-da layihəyə yenidən baxıb, qadının pensiya yaşını 63-ə deyil, 60-a qaldırılmasına səs verib.
Layihədə pensiya yaşının 2019-cu ildən başlayaraq mərhələli (6 aydan bir) qaldırılması nəzərdə tutulur.
