Hər 20 ölümdən biri içkinin təsiridir
Dünya Səhiyyə Təşkilatı ölümlərin əsas səbəbini açıqlayıb. Novator.az-ın məlumatına görə, rəsmi məruzədə bildirilir ki, hər il dünyada 3 milyona yaxın adam alkoqollu içkinin təsirindən həyatını itirir. Statistikaya əsasən, hər 20 ölümdən biri alkoqolun fəsadından doğur. Bu sıraya spirtli içki qəbulunun nəticəsi olan avtomobil qəzaları, zorakılıq halları, ürək-damar sistemində pozuntular, qaraciyər sirrozu, xərçəngin bəzi növləri daxildir.
Alkoqolun vərəmi, pnevmoniyanı, HİV virusunu körüklədiyi də bildirilir.
Dünya Səhiyyə Təşkilatı qeyd edir ki, alkoqolun təsirindən ölənlərin dörddə üçü kişilərdir. 20-29 yaşlı gənclər bu baxımdan ikinci yerdə durur.
Dünyada 237 milyon kişinin, 46 milyon qadının alkoqolizmdən əziyyət çəkdiyi vurğulanır.
