Mərkəzi Bank sentyabrın 6-da avronu (1,9778 manat), ingilis funt sterlinqini (2,1953 manat) və türk lirəsini (0,2578 manat) bahalaşdırıb.

ABŞ dollarının rəsmi kursu 1,7 manat həddində qalıb, gürcü larisi (0,6495 manat) və Rusiya rublu isə (0,0249 manat) dəyər itirib (Məzənnələr).

Novator.az bildirir ki, Mərkəzi Bank altı aydır ABŞ dollarını 1,7 manata təklif edir. Bu il manatı qorumaq üçün keçirilən valyuta hərraclarında Dövlət Neft Fondu 4 milyard 244,8 milyon dollar məbləğində vəsait satıb. Yanvarın hərraclarında fonddan 299,1 milyon dollar, fevralın hərraclarında 364,1 milyon dollar, martın hərraclarında 647 milyon dollar, aprelin hərraclarında 802,6 milyon dollar, mayın hərraclarında 422,7 milyon dollar, iyunun hərraclarında 439 milyon dollar, iyulun hərraclarında 536,6 milyon dollar, avqustun hərraclarında 733,7 milyon dollar məbləğində vəsait alınıb.