Vizasız səfər reytinqi
İsveçrənin yaşayış yeri planlaşdırılması üzrə ixtisaslaşan “Henley & Partners” şirkəti vizasız səfər reytinqi açıqlayıb.
Novator.az xəbər verir ki, 199 ölkənin yer aldığı siyahıya görə, Azərbaycan pasportu ilə 66 ölkəyə vizasız səfər etmək mümkündür.
Latviya və Litva pasportları ilə 179, Estoniya pasportu ilə 178, Ukrayna pasportu ilə 128, Moldova pasportu ilə 121, Rusiya pasportu ilə 118, Gürcüstan pasportu ilə 112, Belarus pasportu ilə 77, Qazaxıstan pasportu ilə 76, Qırğızıstan pasportu ilə 63, Ermənistan pasportu ilə 62, Özbəkistan pasportu ilə 59, Tacikistan pasportu ilə 58, Türkmənistan pasportu ilə 53 ölkəyə vizasız səfər imkanı var.
ABŞ pasportu daşıyan 186 ölkəyə vizasız səyahət edə bilir.
Türkiyə pasportunun sahibi 111, İran pasportunun sahibi isə 43 ölkəyə vizasız girmək hüququ alır.
Güclü pasportların reytinq cədvəlinə Sinqapur və Yaponiya başçılıq edir. Bu ölkələrin pasportu ilə 189 ölkəyə səyahət etmək olur. Almaniya pasportu 188 ölkədə keçərlidir. İspaniya, İtaliya, Fransa, Finlandiya, İsveç, Cənubi Koreya pasportu daşıyanlar 187 ölkəyə vizasız səfər edə bilər.
Siyahını Somali qapadır. Bu ölkənin pasportu ilə 32 ölkəyə vizasız getmək olar.
Səidə Hüseynova
