Təhsil Nazirliyi telefon məlumat mərkəzinə (“Qaynar xətt”: 146) daxil olan zənglərin və vətəndaşların qəbulu mərkəzində göstərilən xidmətlərin statistikasını açıqlayıb.
Rəsmi hesabata görə, 2018-ci ilin avqust ayında vətəndaşlarla iş bölməsinə ümumilikdə 12408 müraciət daxil olub. Telefon məlumat mərkəzində 7087 zəng qəbul edilib, vətəndaşların qəbulu mərkəzində 5321 vətəndaşa xidmət göstərilib.
Vətəndaşların qəbulu mərkəzində 1300 sənəd (878 ərizə, 405 məktub, 17 digər sənəd) qəbul olunduğu bildirilir.
Nazirliyə müraciətlər daha çox müəllimlərin yerdəyişməsi və işə qəbulu, ali təhsil sənədlərinin (diplomların) tanınması, müəllimlərin diaqnostik qiymətləndirilməsi və ümumtəhsil məktəblərinin 1-ci siniflərinə qəbul məsələlərini əhatə edib.
