Fərman: “E-sosial” internet portalı yaradılacaq
Sentyabrın 5-də prezident İlham Əliyev əmək, məşğulluq, sosial müdafiə və sosial təminat sahələrində elektron xidmətlərin tətbiqinin genişləndirilməsinə fərman verib. Fərman Əmək və Əhalinin Sosial Müdafiəsi Nazirliyinin informasiya sistemləri əsasında “Mərkəzləşdirilmiş elektron informasiya sistemi” (MEİS) yaradılmasını nəzərdə tutur.
Əmək və Əhalinin Sosial Müdafiəsi Nazirliyi üç ay müddətində əhaliyə göstərilən xidmətlərin vahid platforma üzərindən elektron formada təqdim edilməsi üçün “E-sosial” internet portalı yaratmalıdır.
