![]({"full":{"0":"2018\/09\/ichki.jpg","1":751,"2":421,"3":false,"file":"https:\/\/novator.az\/wp-content\/uploads\/2018\/09\/ichki.jpg"}})
Harada çox içirlər?
- 04 Sentyabr 2018
- comments
- Novator.az
- Posted in AktualXəbər
ABŞ-ın Vaşinqton Universiteti ilə Bill və Melissa Qeyts Fondunun mütəxəssisləri hansı ölkələrdə daha çox spirtli içki qəbul edildiyini araşdırıblar. Tədqiqatın nəticələri “Lancet” jurnalında dərc olunub.
Novator.az-ın məlumatına görə, tədqiqatçılar alkoqol qəbulu ilə bağlı 1281 elmi materialı analiz ediblər. Spirtli içkinin gündəlik norması kimi 1 pay alkoqol (100 qram qırmızı şərab və ya 280 qram pivə, yaxud 30 qram tünd spirtli içki) götürülüb. Dünya üzrə gündəlik dozanın qadınlar üçün 0,73 pay, kişilər üçün 1,7 pay olduğu üzə çıxıb.
Mütəxəssislərin hesablamalarına görə, ən çox spirtli içki içən kişilər Rumıniyada yaşayır. Onların gündə təqribən 8,2 pay alkoqol qəbul etdiyi bildirilir.
İkinci yerdə portuqaliyalı (gündə 7,2 pay), üçüncü yerdə litvalı və ukraynalı kişilər (gündə 7 pay) gəlir.
Qadınlar arasında ən çox içki içən ukraynalılardır (gündə 4,2 pay).
İkinci yerdə Andorra, Lüksemburq və Belarusun (gündə 3,4 pay), üçüncü yerdə isə İsveç, Danimarka və İrlandiyanın (gündə 3,1 pay) xanım nümayəndələri gəlir.
Kişilərin ən az alkoqol qəbul etdiyi ölkə kimi Pakistan, qadınların ən az spirtli içki içdiyi ölkə kimi İran göstərilir.
Səidə Hüseynova