Layihələrin idarə olunması: gənclər üçün təlimlər keçirilib
Avqustun 20-dən 26-dək İsmayıllı rayonunda gənclər üçün “İncəsənət sosial inkişafda vasitə kimi” layihəsi çərçivəsində layihələrin idarə olunması təlimləri keçirilib.
MitOst Assosiasiyasının maliyyə dəstəyi və təhsil sahəsində ixtisaslaşan Education HUB-ın təşkilatçılılğı ilə reallaşan təlimlər zamanı gənclər layihə yazılışı, vaxtın idarə olunması, maraq qruplarının seçilməsi, büdcə hazırlığı, maliyyə vəsaitlərinin tapılması, komanda işi və s. sahələr üzrə interaktiv üsullardan istifadə olunmaqla müxtəlif simulyasiyalar, qrup tapşırıqları həyata keçiriblər.
“İnkişaf Zamanı” təhsil proqramı çərçivəsində həyata keçirilən “İncəsənət sosial inkişafda vasitə kimi” layihəsinin əsas məqsədi sosial məsələlərin həllində incəsənət vasitələrindən istifadə edilməsinin təşviqidir.
Azərbaycanın müxtəlif bölgələrindən olan 18-28 yaş arasında 25 nəfər iştirakçı incəsənətin müxtəlif vasitələrindən istifadə etməklə yaşadıqları bölgə üçün yeni təşəbbüslər hazırlayıb.
