Əmək və Əhalinin Sosial Müdafiəsi Nazirliyinin yeni hesabatına görə, Dövlət Sosial Müdafiə Fondu bu ilin yanvar-iyun aylarında fərdi uçot sistemində 1587 əcnəbiyə fərdi şəxsi hesab açıb. İyulun 1-nə sistemdə qeydiyyata alınan əcnəbilərin sayı 45539 nəfər göstərilir. Onların sırasında Türkiyə (20174 nəfər), Gürcüstan (4698 nəfər) və Rusiya (2927 nəfər) vətəndaşları çoxluq təşkil edir.
Fondun fərdi uçot sistemində ümumilikdə 142 ölkənin vətəndaşları qeydiyyatdadır.
İyulun 1-nə fondun fərdi uçot sistemində qeydiyyata alınanların ümumi sayının ötən ilin müvafiq dövrü ilə müqayisədə 4,4 faiz artaraq 3 milyon 649 min 637 nəfərə çatdığı bildirilir.
