Vəkillər Kollegiyası Rəyasət Heyətinin 25 iyul iclasında Vəkillərin İntizam Komissiyasının 10 iş üzrə rəylərinə baxılıb. Rəsmi məlumata görə, iki vəkilə töhmət verilib, bir vəkilin fəaliyyəti dayandırılıb, bir vəkilin Vəkillər Kollegiyası üzvlüyünə xitam verilməsi üçün məhkəməyə müraciət qərarı qəbul olunub. Digər işlər üzrə pozuntu aşkar edilmədiyi üçün intizam icraatına xitam verilib.

Vəkillər Kollegiyasının 1503 üzvü var. 2017-ci il dekabrın 7-dən qurumun Rəyasət Heyətinə Anar Bağırov sədrlik edir.

1976-cı il təvəllüdlü Anar Bağırov BDU-nun hüquq fakültəsində bakalavr və magistr təhsili alıb. Hüquq elmləri üzrə fəlsəfə doktorudur.

1997-2005-ci illərdə müxtəlif təşkilatlarda hüquqşünas vəzifəsində işləyib. 2005-ci ildən Vəkillər Kollegiyasının, 2012-ci ildən Rəyasət Heyətinin üzvüdür.