Pakistan parlamentinin aşağı palatasına – Milli Assambleyaya iyulun 25-də keçirilmiş seçkinin ilkin nəticələri açıqlanıb.

Novator.az xəbər verir ki, seçkinin qalibi elan olunan müxalif Ədalət Uğrunda Hərəkat 272 mandatdan 117-ni götürür.

İkinci yerdə gedən Pakistan Müsəlman Liqasının 64 mandat, üçüncü yerdə qərar tutan Pakistan Xalq Partiyasının 37 mandat əldə etdiyi bildirilir.

Hökumət qurmaq üçün 137 mandat gərəkdir.

Milli Assambleya 342 deputatdan ibarətdir. 272 deputat ümumxalq seçkisində seçilir, qalan yerlər dini azlıqlara və qadınlara ayrılır.

Səidə Hüseynova