Yol xəritələrinin icra vəziyyəti
Strateji yol xəritələrinin 2017-ci üzrə icra vəziyyəti açıqlanıb.
Prezident İlham Əliyev milli iqtisadiyyat və iqtisadiyyatın əsas sektorları üzrə strateji yol xəritələrini 2016-cı il dekabrın 6-da təsdiq edib. Yol xəritələrinin həyata keçirilməsinə ümumi rəhbərlik və nəzarət Prezident Administrasiyasına tapşırılıb, nəzərdə tutulmuş fəaliyyətlərlə bağlı monitorinq, qiymətləndirmə və kommunikasiya tədbirləri İqtisadi İslahatların Təhlili və Kommunikasiya Mərkəzinə həvalə olunub.
Novator.az-ın məlumatına görə, İqtisadi İslahatların Təhlili və Kommunikasiya Mərkəzi 2017-ci ildə “Milli iqtisadiyyat perspektivi üzrə strateji yol xəritəsi”nin 92% icra olunduğunu bəyan edib.
Rəsmi açıqlamada digər sənədlər üzrə icra vəziyyəti belə göstərilir:
“Maliyyə xidmətlərinin inkişafına dair strateji yol xəritəsi” – 87%
“Kiçik və orta sahibkarlıq səviyyəsində istehlak mallarının istehsalına dair strateji yol xəritəsi” – 79%
“Uyğun qiymətə mənzil təminatının inkişafına dair strateji yol xəritəsi” – 76%
“Logistika və ticarətin inkişafına dair strateji yol xəritəsi” – 73%
“Peşə təhsili və təliminin inkişafına dair strateji yol xəritəsi” – 72%
“Ağır sənaye və maşınqayırmanın inkişafına dair strateji yol xəritəsi” – 68%
“Kommunal xidmətlərin (elektrik və istilik enerjisi, su və qaz) inkişafına dair strateji yol xəritəsi” – 68%
“Telekommunikasiya və informasiya texnologiyalarının inkişafına dair strateji yol xəritəsi” – 61%
“Kənd təsərrüfatı məhsullarının istehsalına və emalına dair strateji yol xəritəsi” – 46%
“İxtisaslaşmış turizm sənayesinin inkişafına dair strateji yol xəritəsi” – 36%.
