Rusiyada 19,3 milyon yoxsul var
Rusiyanın Federal Statistika Xidməti yoxsulluq səviyyəsi ilə bağlı hesabat yayıb.
Novator.az xəbər verir ki, 2017-ci ildə yoxsulluq səviyyəsinin 2016-cı illə müqayisədə aşağı düşdüyü vurğulanır. Rəsmi açıqlamaya görə, ötən il Rusiyada 19,3 milyon yoxsul qeydə alınıb. Bu, 2016-cı ilə nisbətdə 200 min az yoxsul deməkdir.
Federal Statistika Xidməti qeyd edir ki, ötən il əhalinin 13,2%-nin gəlirləri yaşayış minimumu səviyyəsinə çatmayıb. 2016-cı ildə bu göstərici 13,3% olub. Bu parametr üzrə 2012-ci ildən bəri ilk dəfə enmə qeydə alınıb.
Statistikaya əsasən, 2018-ci ilin ilk rübündə yaşayış minimumunun məbləği 9 min 828 rubldan 10 min 88 rubla yüksəlib.
Səidə Hüseynova
