Ekoloji yoxlamaların nəticələri
Ekologiya və Təbii Sərvətlər Nazirliyi Ətraf Mühitin Mühafizəsi Departamentinin 16-30 iyun arası apardığı yoxlamaların nəticələrini açıqlayıb. Hesabata əsasən, atmosfer havasının, su və torpaq ehtiyatlarının, yerin təkinin, fauna və floranın mühafizəsi, ətraf mühitə məişət və istehsalat tullantılarının yerləşdirilməsi sahəsində qanun pozuntularına görə 203 akt və protokol tərtib olunub, nöqsanların aradan qaldırılması üçün 43 müddətli məcburi göstəriş verilib.
57 iş üzrə 53000 manat məbləğində cərimə kəsildiyi, dəymiş ziyana görə 20 iş üzrə 1276078,6 manat məbləğində iddia qaldırıldığı, ətraf mühitə tullantıların atılmasına və axıdılmasına görə 169 iş üzrə 29257,95 manat məbləğində ödəmə tətbiq edildiyi bildirilir.
Nazirlik qeyd edir ki, tədbir görülməsi üçün hüquq mühafizə orqanlarına 21, icra qurumlarına 13, məhkəmələrə 8 iş göndərilib.
