Hansı ölkədə çox işləyirlər?
İqtisadi Əməkdaşlıq və İnkişaf Təşkilatı 2017-ci il üzrə iş vaxtı araşdırması aparıb. Novator.az-ın məlumatına görə, hesabatda bildirilir ki, ötən il 37 ölkə arasında iş vaxtı sarıdan rekordçu Meksika olub. Bu ölkədə adamlar ilin 2257 saatını çalışıblar.
İkinci yerdə 2179 saatla Kosta Rika dayanıb.
Üçüncü yerdə duran Cənubi Koreyada əhali ötən ilin 2024 saatını iş başında keçirib.
İlk 10-luqda həmçinin Yunanıstan (2018 saat), Rusiya (1980 saat), Çili (1954 saat) Polşa (1895 saat), İsrail (1885 saat), Latviya (1875 saat) və Portuqaliya (1863 saat) yer alır.
Mərkəzi qərargahı Parisdə yerləşən İqtisadi Əməkdaşlıq və İnkişaf Təşkilatı 1948-ci ildə yaradılıb. Təşkilatın ABŞ, Böyük Britaniya, Almaniya, Fransa, Yaponiya daxil olmaqla 35-dən çox üzvü var.
Səidə Hüseynova
