Azərbaycan qlobal qayda-qanun hesabatında
ABŞ-ın “Gallup” ictimai rəy institutu qlobal qayda-qanun hesabatı yayıb. Novator.az-ın məlumatına görə, 2017-ci ilin yekunlarına dair hesabat 142 ölkədə keçirilmiş rəy sorğusuna əsaslanır. Respondentlər özlərini nə dərəcədə təhlükəsiz hesab etmələri, cinayətlə qarşılaşıb-qarşılaşmadıqları və hüquq mühafizə orqanları ilə təmasları barədə sualları cavablandırıblar.
Reytinq cədvəlinə 97 balla Sinqapur başçılıq edir. Qayda-qanun sarıdan digər öncül ölkələr Norveç, İslandiya, Finlandiya (93 bal), Özbəkistan, Honkonq (91 bal), İsveçrə, Kanada (90 bal), İndoneziyadır (89 bal).
Azərbaycan “Gallup” ictimai rəy institutunun reytinqində 85 balla qiymətləndirilib.
Gürcüstanın və Türkmənistanın balı 87, İranın balı 82, Ermənistanın balı 78, Türkiyə və Belarusun balı 77, Rusiyanın balı 70-dir.
Estoniya 83, Litva və Qazaxıstan 79, Latviya 76, Qırğızıstan 73, Ukrayna 69, Moldova 67 balla sıralanıb.
Qayda-qanun reytinqinin son pilləsində Venesuela (44 bal) dayanır.
