120 ilin rekordu, yaxın proqnoz
İyulun 1-i Bakıda və Abşeron yarımadasında son 120 ilin rekord temperaturu qeydə alınıb: havanın hərarəti 43-44 dərəcəyə çatıb. Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosu belə məlumat yayıb. Büro qeyd edir ki, bundan əvvəl rekord göstərici Bakı üçün 2017-ci ilin avqust ayında müşahidə edilib: 41,6 dərəcə. İyulun 1-də qeyd olunan temperatur həm iyul ayı üçün, həm də bütün yay mövsümü üçün rekord temperaturdur.
Rəsmi açıqlamaya əsasən, iyulun 2-si Bakıda və Abşeron yarımadasında şimal küləyi temperaturun bir qədər aşağı enməsinə səbəb olub: “Lakin iyulun 3-4-də yenidən kəskin istilər müşahidə ediləcək. İyulun 5-dən 8-dək arabir güclənən şimal küləyi müsbət amil olacaq və havanın temperaturu iqlim norması göstəricilərinə yaxınlaşacaq”.
