Prezidentlər bir araya gəlib
Moskva səfərində olan prezident İlham Əliyev iyunun 13-də rusiyalı həmkarı Vladimir Putinlə görüşüb. Novator.az-ın məlumatına görə, Vladimir Putin görüşdə qeyd edib ki, Azərbaycan prezidenti bu il avqustun 30-da Rusiyaya rəsmi səfərə gələcək. O, səfərə hazırlıq görüldüyünü vurğulayıb və qeyd edib ki, iki ölkənin əlaqələri uğurlu inkişaf istiqamətindədir.
Vladimir Putin 2017-ci ildə iki ölkə arasında ticarət dövriyyəsinin 34,4%, bu ilin birinci rübündə 19% artdığını deyib.
İlham Əliyev iyunun 12-də Moskvaya işgüzar səfərə gedib. O, dünya futbol çempionatının açılışına qatılacaq.
Çempionat iyunun 14-dən iyulun 15-dək Moskva, Sankt-Peterburq, Kazan, Soçi, Nijni Novqorod, Samara, Volqoqrad, Yekaterinburq, Rostov, Kalininqrad və Saransk şəhərlərində keçiriləcək.
32 komandanın 8 qrupda mübarizə apardığı çempionat iyunun 14-ü saat 19-da Moskvanın “Lujniki” stadionunda Rusiya – Səudiyyə Ərəbistanı oyunu ilə start götürəcək.
Vladimir Putinlə 13 iyun görüşündə İlham Əliyev rusiyalı həmkarını dünya çempionatına hazırlığın yüksək səviyyədə aparılması münasibətilə təbrik edib.
