Prezident dəyişmədi
Akif Əlizadə yenidən Azərbaycan Milli Elmlər Akademiyasının (AMEA) prezidenti seçilib. Novator.az bildirir ki, səsvermə iyunun 8-i AMEA Rəyasət Heyətinin böyük konfrans zalında, qurumun ümumi yığıncağında keçirilib. Akif Əlizadə yeganə namizəd olub və gizli səsvermədə yekdil dəstək alıb.
AMEA-nın nizamnaməsinə görə, ölkə prezidenti seçimi təsdiq etməlidir.
Akif Əlizadə ilk dəfə 2013-cü ildə AMEA prezidenti seçilib. 1934-cü ildə anadan olan Akif Əlizadə geologiya-mineralogiya elmləri doktoru, professordur.
1989-cu ildən AMEA-nın həqiqi üzvüdür. Geologiya və Geofizika İnstitutunun direktorudur.
Əməkdar elm xadimi, “Şöhrət”, “Şərəf”, “İstiqlal” ordenləri laureatıdır.
