Deputat təltif olundu
Prezident İlham Əliyev jurnalist, parlamentin deputatı İmamverdi İsmayılovu “Şöhrət” ordeni ilə təltif edib. Sərəncamda təltif İmamverdi İsmayılovun Azərbaycanın ictimai-siyasi həyatında fəal iştirakı ilə əsaslandırılıb.
Novator.az bildirir ki, iyunun 10-da İmamverdi İsmayılovun 60 yaşı tamam olur. O, 1958-ci ildə Zəngilan rayonunun Vənətli kəndində doğulub. İndiki Bakı Dövlət Universitetinin jurnalistika fakültəsini və Dövlət İdarəçilik Akademiyasını bitirib.
Yeni Azərbaycan Partiyasının üzvüdür.
1995-ci ildən Milli Məclisin deputatıdır. Hazırda 125 saylı Zəngilan-Qubadlı seçki dairəsini təmsil edir, parlamentin iqtisadi siyasət, sənaye və sahibkarlıq komitəsinin üzvüdür.
