İyunun 8-i Azərbaycan Milli Elmlər Akademiyasının (AMEA) Rəyasət Heyətinin böyük konfrans zalında qurumun ümumi yığıncağı keçirilir. İclasda AMEA-nın prezidenti və Rəyasət Heyəti seçiləcək.

Nizamnaməyə görə, prezident akademiyanın həqiqi üzvləri sırasından seçilməli, ölkə prezidenti seçimi təsdiq etməlidir.

2013-cü ildən AMEA prezidenti postunu Akif Əlizadə tutur. Novator.az bildirir ki, Akif Əlizadə 1934-cü ildə anadan olub. Azərbaycan Sənaye İnstitutunun (indiki Azərbaycan Dövlət Neft və Sənaye Universiteti) geoloji-kəşfiyyat fakültəsini bitirib. Geologiya-mineralogiya elmləri doktoru, professordur.

1989-cu ildən AMEA-nın həqiqi üzvüdür. Geologiya və Geofizika İnstitutunun direktorudur.

Əməkdar elm xadimi, “Şöhrət”, “Şərəf”, “İstiqlal” ordenləri laureatıdır.