Yenilənmiş “Sahil”
İyunun 7-də Bakı Metropoliteninin “Sahil” stansiyası əsaslı təmir və yenidənqurmadan sonra istifadəyə verilib. AZƏRTAC xəbər verir ki, prezident İlham Əliyev stansiyada görülən işlərlə tanış olub.
Stansiya ötən il avqustun 20-dən təmirə bağlanmışdı. 1967-ci ildə istismara verilən “Sahil” stansiyasında eskalatorlar dəyişdirilib, mərmər-qranit örtüyü, istismar müddətini başa vuran avadanlıqlar yenilənib.
