Qarabağda polisin şefi də istefaya getdi
- 06 İyun 2018
- comments
- Səidə Hüseynova
- Posted in ManşetXəbər
İşğalçı Dağlıq Qarabağ rejimində “Polis rəisi” postunu tutan Kamo Ağacanyan iyunun 6-da istefa verib. Novator.az-ın məlumatına görə, istefa bəyanatında Kamo Ağacanyan Qarabağda sabitliyin və təhlükəsizliyin onun üçün əsas prioritet olduğunu bildirib.
Kamo Ağacanyan 1971-ci ildə Dağlıq Qarabağın Hadrut rayonunda doğulub. Azərbaycana qarşı işğalçı müharibənin iştirakçısıdır.
General-mayor rütbəsində olan Kamo Ağacanyan 2013-cü il martın 25-dən “Polis rəisi”dir.
İyunun 1-i Xankəndidə bir qrup şəxslə “Milli Təhlükəsizlik Xidmətinin” iki əməkdaşı dalaşıb. Məişət zəminində baş verdiyi açıqlanan davada iki şəxs ağır xəsarət alaraq xəstəxanaya düşüb. Bundan sonra Xankəndidə etiraz aksiyaları keçirilib, “Milli Təhlükəsizlik Xidməti” rəhbərliyinin, o cümlədən “hökumətin” istefası tələb olunub.
İyunun 6-da Dağlıq Qarabağ rejiminin “dövlət naziri” Araik Arutunyan istefa ərizəsi yazıb. Araik Arutunyan istefasının səbəblərini bu gün Xankəndidə keçirəcəyi mətbuat konfransında açıqlayacağını bildirib.