Goranboya səfər edən prezident İlham Əliyev iyunun 5-də Dəliməmmədli-Quşçular-Fəxralı-Qurbanzadə-Alpout avtomobil yolunun açılışına qatılıb.

AZƏRTAC xəbər verir ki, 12 min nəfər əhalinin yaşadığı 5 məntəqəni birləşdirən Dəliməmmədli-Quşçular-Fəxralı-Qurbanzadə-Alpout avtomobil yolunun ümumi uzunluğu 14 kilometr, hərəkət hissəsinin eni isə 6 metrdir. Dördüncü texniki dərəcəli yol iki hərəkət zolaqlıdır.

Rəsmi təqdimata görə, yol sakinlərin rahat gediş-gəlişini təmin edəcək, həmçinin Bakı-Ələt-Qazax-Gürcüstan sərhədi avtomobil yolu vasitəsilə ölkənin istənilən istiqamətinə hərəkət etməyə imkan verəcək.

Prezident Dəliməmmədli-Muzdurlar-Qırıqlı avtomobil yolunun, “Region Agro” Məhdud Məsuliyyətli Cəmiyyətinin açılışlarında da iştirak edib.