Dünya İqtisadi Forumunun 2017-2018-ci illər üzrə qlobal rəqabətlilik indeksində ölkələr avtomobil yollarının durumu baxımından da qiymətləndirilib.

Novator.az-ın məlumatına görə, 137 ölkənin adı olan siyahıda yolların keyfiyyəti 1-7 balla dəyərləndirilib və Azərbaycan 4,8 balla 36-cı yeri tutub.

Türkiyə 5 balla 30-cu, İran 4 balla 71-ci, Gürcüstan 3,8 balla 82-ci, Ermənistan 3,7 balla 85-ci, Rusiya cədvəldə 2,9 balla 114-cüdür.

Keyfiyyətli yollar reytinqinin ilk onluğunda Birləşmiş Ərəb Əmirlikləri (6,4 bal), Sinqapur, İsveçrə (6,3 bal), Honkonq (6,2 bal), Niderland, Yaponiya (6,1 bal), Fransa, Portuqaliya, Avstriya (6 bal), ABŞ (5,7 bal) yer alır.

Siyahını 2 balla Mavritaniya qapayır.

Səidə Hüseynova