Nazirlik 11598 müraciət alıb
Təhsil Nazirliyinin telefon məlumat mərkəzinə (“Qaynar xətt”: 146) may ayında daxil olan zənglərin və vətəndaşların qəbulu mərkəzində göstərilən xidmətlərin statistikası açıqlanıb. Rəsmi məlumata görə, ay ərzində vətəndaşlarla iş bölməsinə 11598 müraciət daxil olub. Telefon məlumat mərkəzində 8622 zəng qəbul edilib, vətəndaşların qəbulu mərkəzində isə 2976 vətəndaşa xidmət göstərilib.
1348 sənədin (760 məktub, 553 ərizə, 35 digər sənəd) qəbul olunub qeydiyyata alındığı bildirilir.
Daxil olan müraciətlər daha çox müəllimlərin diaqnostik qiymətləndirilməsi, yerdəyişməsi və işə qəbulu, ali təhsil sənədlərinin (diplomların) tanınması və ümumtəhsil məktəblərinin birinci siniflərinə qəbulla bağlı məsələləri əhatə edib.
