Ermənilər qocalır
Ermənistanın bəzi demoqrafik göstəriciləri açıqlanıb.
Əmək və Sosial Məsələlər Nazirliyi bəyan edib ki, 2017-ci ildə əhalinin sayı 13 min 200 nəfər azalıb. Novator.az-ın məlumatına görə, hesabatda qeyd olunur ki, 2016-cı illə müqayisədə, doğulanlar 37 min 700 nəfər, ölənlər 800 nəfər azalıb. Ötən il 2016-cı illə müqayisədə nikah sayında 1000 azalma, boşanmada 290 artım qeydə alınıb.
BMT-nin Əhali Fondunun Ermənistan ofisi isə bildirir ki, 2018-ci il aprelin 1-nə ölkə əhalisi 2017-ci ilin müvafiq dövrü ilə müqayisədə 12 min nəfərə yaxın azalıb. Doğum sayı 300 nəfər düşüb, nikah sayında 36, boşanmada 50 artım olub.
Hesabatda Ermənistan əhalisinin sürətlə qocaldığı vurğulanır. Əhalinin 12%-nin yaşının 60-ı keçdiyi, göstəricinin iki dəfə artmaq ehtimalının olduğu qeyd edilir.
