Büdcə: gəlir 98,5 faiz, xərc 98,1 faiz icra olunub
Mayın 31-də Milli Məclis 2017-ci ilin dövlət büdcəsinin icrası ilə bağlı hesabatı qəbul edib. Hesabata görə, 2017-ci ildə icmal büdcənin gəlirləri 24 milyard manat və ya 104,8 faiz, xərcləri 25 milyard manat və ya 82,4 faiz səviyyəsində icra olunub, 1,1 milyard manat kəsir qeydə alınıb.
Dövlət büdcəsinin mədaxili 16 milyard 517 milyon manat və ya 98,5 faiz icra olunub. Transfert nəzərə alınmadan dövlət büdcəsinin gəlirləri 10 milyard 417 milyon manat təşkil edib.
Büdcə daxilolmalarının 8,6 milyard manatı qeyri-neft sektoru hesabına təmin olunub.
Dövlət Neft Fondundan 2017-ci ildə 6,1 milyard manat vəsait transfert olunub. 2017-ci ildə Mərkəzi Bankın mənfəətindən 250 milyon manat dövlət büdcəsinə ödənib.
2017-ci ildə dövlət büdcəsinin xərcləri proqnoza nisbətən 98,1 faiz və ya 17 milyard 595 milyon manat səviyyəsində icra olunub.
