Balacaların böyük problemləri
Ümumrusiya İctimai Rəyi Öyrənmə Mərkəzi uşaq problemləri ilə bağlı sosioloji sorğu keçirib. Novator.az xəbər verir ki, mayın 31-də açıqlanan nəticələr Rusiyada uşaqların ən böyük probleminin alkoqolizm və narkomaniya olduğunu üzə çıxarıb. Respondentlərin 37%-i alkoqolizm və narkomaniyanı əsas bəla kimi göstərib.
Sorğu iştirakçılarının 34%-i əsas problem kimi ailələrin kasıblığını qeyd edib.
Uşaq problemləri siyahısında üçüncü ağrılı məsələ olaraq məktəbəqədər müəssisələrdə və orta təhsil məktəblərində təlim-tərbiyənin aşağı səviyyəsi vurğulanıb. Respondentlərin 22%-i bu məsələni əsas problem kimi qabardıb.
Sorğuda iştirak edənlərin 8%-i uşaq cinayətkarlığını, 6%-i isə baxımsızlığı əsas problem sayır.
Sorğu mayın 28-29-da yaşı 18-dən yuxarı 2 min rusiyalı arasında telefonla aparılıb.
Səidə Hüseynova
