8 partiya, 68 bitərəf
Türkiyənin Ali Seçki Qurumu iyunun 24-də keçiriləcək parlament seçkisinə qatılan namizədlərin yekun siyahısını açıqlayıb. Novator.az-ın məlumatına görə, Ədalət və İnkişaf Partiyası, Cümhuriyyət Xalq Partiyası, Milliyyətçi Hərəkat Partiyası, Xalqların Demokratik Partiyası, Yaxşı Partiya, Səadət Partiyası və Vətən Partiyası 87 seçki dairəsində, Hür Dava Partiyası 85 seçki dairəsində mübarizə aparacaq.
Ölkə üzrə 68 partiyasız namizəd var.
Yeni parlament 600 deputatdan ibarət olacaq.
İyunun 24-də həmçinin prezident seçkisi keçiriləcək. Prezidentlik uğrunda 6 nəfər yarışır: hakim Ədalət və İnkişaf Partiyasının sədri, dövlət başçısı Rəcəb Teyyub Ərdoğan, Böyük Millət Məclisinin Cümhuriyyət Xalq Partiyasından deputatı Məhərrəm İncə, Xalqların Demokratik Partiyasından Səlahəddin Dəmirtaş (hazırda həbsdədir), Yaxşı Partiyanın lideri Maral Akşener, Səadət Partiyasının lideri Təməl Qaramollaoğlu, Vətən Partiyasının lideri Doğu Perinçek.
