Ən güclü pasportlar
Dünyanın ən güclü pasportu Yaponiya pasportudur. Novator.az-ın məlumatına görə, yaşayış yeri planlaşdırılması üzrə ixtisaslaşan “Henley & Partners” şirkətinin (İsveçrə) və Beynəlxalq Hava Nəqliyyatı Assosiasiyasının birgə tətbiq etdiyi vizasız səfər reytinqindən belə görünür. Reytinq cədvəlinə əsasən, Yaponiya pasportu ilə 189 ölkəyə vizasız səyahət etmək mümkündür.
Almaniya və Sinqapur pasportları ilə 188 ölkəyə vizasız getmək olar.
187 ölkəyə vizasız səyahət hüququ verən pasportlar Finlandiya, Fransa, İtaliya, Cənubi Koreya İspaniya, İsveç pasportlarıdır.
Reytinqdə sonuncu İraq və Əfqanıstan gəlirlər. Bu ölkələrin pasportları 30 ölkəyə vizasız getmək hüququ verir.
Azərbaycan pasportu ilə 66, Ermənistan pasportu ilə 62 ölkənin qapıları vizasız açıqdır.
Türkiyə və Gürcüstan pasportları 111 ölkəyə vizasız səfər imkanı yaradır.
