Maliyyə sektorunda yeni xidmət
Prezident İlham Əliyev Maliyyə Monitorinqi Xidmətinin yaradılmasına fərman verib. Mayın 25-də imzalanan sənədə görə, Maliyyə Monitorinqi Xidməti Azərbaycanda cinayət yolu ilə əldə edilmiş pul vəsaitlərinin və ya digər əmlakın leqallaşdırılmasının və terrorçuluğun maliyyələşdirilməsinin qarşısını almaq sahəsində vahid tənzimləməni və nəzarəti həyata keçirən, fəaliyyəti əlaqələndirən və dövlət büdcəsindən maliyyələşən publik hüquqi şəxsdir.
Prezident Administrasiyasına bir ay müddətində qurumun nizamnaməsini hazırlamaq tapşırılıb.
