Rusiyalılar nədən zövq alır?
Rusiyanın “Levada” sosioloji mərkəzi əhali arasında sevimli məşğuliyyət mövzulu sorğu keçirib. Novator.az-ın məlumatına görə, respondentlərin 34%-i ən çox televizora baxmaqdan zövq aldığını açıqlayıb.
Sorğu iştirakçılarının 26%-i yaxşı pul aldıqda, 24%-i övladları ilə zaman keçirdikdə sevinc hissi yaşadığını bəyan edib.
Respondentlərin 22%-i səyahəti, bir o qədəri sevdiyi insanla vaxt keçirməyi, 12%-i intim həyatı ən sevimli məşğuliyyət sayır.
Sorğu göstərib ki, orta hesabla hər beş rusiyalıdan biri musiqiyə qulaq asmaqdan böyük zövq alır.
Respondentlərin 12%-i tənhalığı sevdiyini vurğulayıb.
Sorğu aprelin 20-24-də ölkənin 52 subyektinin 136 yaşayış məntəqəsində, yaşı 18 dən yuxarı 1500 nəfər şəhər və kənd sakini arasında aparılıb.
Səidə Hüseynova
