Müsavatçı həbs edilib
Müsavat Partiyasının Xətai rayon təşkilatının sədr müavini Elvin Abdullayev həbs edilib.
Partiyanın yaydığı məlumata görə, mayın 22-də Xətai Rayon Məhkəməsi Elvin Abdullayevi İnzibati Xətalar Məcəlləsinin 535.1-ci maddəsi ilə (polisin qanuni tələbinə tabe olmamaq) təqsirli bilərək 30 sutka müddətinə azadlıqdan məhrum edib.
Müsavat Partiyası Elvin Abdullayevin həbsini onun sosial şəbəkədəki yazıları ilə bağlayır.
Partiya xatırladır ki, Elvin Abdullayev bundan əvvəl də siyasi fəaliyyətinə görə dəfələrlə təqib olunub.
