Kənd Təsərrüfatı Nazirliyinin tabeliyində olan Kənd Təsərrüfatının İqtisadiyyatı Elmi Tədqiqat İnstitutu publik hüquqi şəxs statuslu Aqrar Tədqiqatlar Mərkəzinə çevrilmə yolu ilə yenidən təşkil edilir. Novator.az-ın məlumatına görə, dövlət başçısı İlham Əliyevin 22 may fərmanında qərar aqrar sahədə elmi tədqiqat institutlarının fəaliyyətinin gücləndirilməsi, təhlil, qiymətləndirmə və proqnozlaşdırmanın aparılması, aqrar-sənaye kompleksi üzrə müxtəlif xidmətlərin, o cümlədən dövlət sifarişlərinin yerinə yetirilməsi, kənd təsərrüfatının inkişafı ilə bağlı məlumat bazasının yaradılması, proqram və layihələrin hazırlanması, sahənin strateji planlaşdırılmasının və innovativ inkişafının təmin edilməsi məqsədi ilə əsaslandırılıb.

Kənd Təsərrüfatı Nazirliyinə beynəlxalq ekspertlərin Aqrar Tədqiqatlar Mərkəzinin fəaliyyətinə cəlb olunmasını təmin etmək tapşırılıb.

Mərkəzin nizamnamə fondunun formalaşdırılması üçün 2018-ci ilin dövlət büdcəsindən, prezidentin ehtiyat fondundan 1 milyon manat ayrılır.