Müstəqillik illərində Naxçıvanın əhalisi 140 min nəfərə yaxın artıb
Müstəqillik illərində Naxçıvan Muxtar Respublikasının əhalisi 138,4 min nəfər artıb. Azərbaycanın dövlət müstəqilliyini bərpa etdiyi 1991-ci ildən sonrakı ilk ilin – 1992-ci ilin əvvəlinə muxtar respublika əhalisinin sayı 315,1 min nəfər olub. 1 aprel 2018-ci ilə isə əhalinin sayı 453,5 min nəfərə yaxınlaşıb.
Novator.az Naxçıvan Muxtar Respublikasının Dövlət Statistika Komitəsinin saytında başqa illərin göstəricilərinə də nəzər salıb.
1995-ci ilin əvvəlinə əhalinin sayı 331,9 min nəfər, 2000-ci ilin əvvəlinə 358,8 min nəfər, 2005-ci ilin əvvəlinə 377,8 min nəfər, 2010-cu ilin əvvəlinə 402,4 min nəfər, 2015-ci ilin əvvəlinə 439,8 min nəfər göstərilib.
2018-ci il yanvarın 1-nə Naxçıvan Muxtar Respublikası əhalisinin sayı 452,8 min nəfər olub.
