“Qalatasaray” 26 nəhəng arasında
Türkiyə milli futbol çempionatı “Qalatasaray”ın zəfəri ilə başa çatıb. Komanda 2018-2019 mövsümündə UEFA Çempionlar Liqasına qrup mərhələsindən qoşulacaq. Türkiyənin digər təmsilçisi “Fənərbaxça” turnirə 3-cü raunddan start verəcək.
Novator.az bildirir ki, Çempionlar Liqasına qatılacaq komandaların ilkin siyahısı böyüyüb. Qrup raunduna 26 komanda birbaşa vəsiqə alıb. İspaniyanın “Barselona”, “Atletiko”, “Real”, “Valensiya”, Almaniyanın “Bavariya”, “Şalke”, “Hoffenhaym”, “Borussiya” (Dortmund), İngiltərənin “Mançester Siti”, “Mançester Yunayted”, “Tottenhem”, “Liverpul”, İtaliyanın “Yuventus”, “Napoli”, “Roma”, “İnter”, Fransanın PSJ, “Monako”, “Lion”, Rusiyanın “Lokomotiv” (Moskva), SSKA, Portuqaliyanın “Portu”, Ukraynanın “Şaxtyor”, Belçikanın “Brügge”, Türkiyənin “Qalatasaray”, Çexiyanın “Viktoriya” komandaları rəqiblərini həmin mərhələdə gözləyir.
Qalan 6 vəsiqənin taleyinə seçmə raundlarda aydınlıq gəlir.
Yarışa ilkin təsnifat mərhələsindən başlayacaq komandalardan üçü məlumdur: “Santa Koloma” (Andorra), “Linkoln” (Cəbəllütariq), “Drita” (Kosovo).
Çempionlar Liqasına 1-ci raunddan qoşulacaq komandaların ilkin tərkibi belədir: “Ludoqorets” (Bolqarıstan), “Seltik” (Şotlandiya), APOEL (Kipr), “Legiya” (Polşa), “Astana” (Qazaxıstan), “Qarabağ” (Azərbaycan), “Şerif” (Moldova), “Malmö” (İsveç), “Srvena Zvezda” (Serbiya), “Hapoel” (Beer-Şeva, İsrail), “Rusenborq” (Norveç), HİK (Finlandiya), “Nyu Sents” (Uels), “Kukesi” (Albaniya), “Zrinski” (Bosniya), “Şkendiya” (Makedoniya), “Düdelanj” (Lüksemburq), “Spartak” (Slovakiya), “Valletta” (Malta), “Vikinqur” (Farer adaları), “Kruzeyders” (Şimali İrlandiya), “Alaşkert” (Ermənistan), “Sutyeska” (Monteneqro), “Suduva” (Litva), “Kork Siti” (İrlandiya), “Spartaks” (Latviya), “Valyur” (İslandiya), “Flora” (Estoniya), “Torpedo” (Gürcüstan).
Turnirə 2-ci raundda qoşulacaq bu komandalar məlumdur: BATE (Belarus), “Dinamo” (Xorvatiya), “Kluj” (Rumıniya), “Bazel” (İsveçrə), “Ayaks” (Hollandiya), PAOK (Yunanıstan), “Şturm” (Avstriya).
3-cü raundda bu komandalar var: “Zalsburq” (Avstriya), AEK (Yunanıstan), “Benfika” (Portuqaliya), “Dinamo” (Ukrayna), “Fənərbaxça” (Türkiyə), “Spartak” (Moskva, Rusiya), “Standard” (Belçika).
Sonuncu ələmə mərhələsi olan 4-cü raundda bu komandalar start götürür: PSV (Hollandiya), “Yanq Boyz” (İsveçrə).
