Bu ilin yanvar-aprel aylarında Azərbaycanda ictimai iaşə dövriyyəsi 2017-ci ilin müvafiq dövrü ilə müqayisədə real ifadədə 4 faiz artaraq 395,5 milyon manat olub. Novator.az bildirir ki, Dövlət Statistika Komitəsinin rəsmi hesabatına görə, özəl sektorda ictimai iaşə dövriyyəsinin 40,7 faizi hüquqi şəxs statuslu müəssisələrin, 59,3 faizi isə bu sahədə sahibkarlıq fəaliyyəti ilə məşğul olan fərdi sahibkarların payına düşür.

Yanvar-aprel aylarında əhaliyə göstərilən ödənişli xidmətlərin dəyəri 2017-ci ilin eyni dövrü ilə müqayisədə real ifadədə 1,9 faiz artaraq 2 milyard 540,4 milyon manata çatıb. Dörd ayda hər bir ölkə sakini orta hesabla 259,5 manatlıq və ya ötən ilin müvafiq dövrü ilə müqayisədə nominal ifadədə 9,5 manat çox müxtəlif ödənişli xidmətlərdən istifadə edib.