Azərbaycanın əsas xarici ticarət tərəfdaşları açıqlanıb. Novator.az-ın məlumatına görə, Dövlət Gömrük Komitəsi bildirir ki, 2018-ci ilin ilk dörd ayında əsas tərəfdaş İtaliya olub. Bu ölkə ilə ticarət ümumi dövriyyənin 17,3 faizi həcmində göstərilir.

Türkiyə 10,2 faizlə ikinci, Rusiya 7,9 faizlə üçüncüdür.

İxracda əsas ölkə İtaliyadır: 24,7 faiz. İdxalda isə Rusiya birincidir: 17,4 faiz.

Hesabata görə, ixracın 5,8 faizi MDB ölkələrinin, 52,1 faizi Avropa İttifaqı ölkələrinin, 42,1 faizi digər ölkələrin payına düşür.

İdxalda MDB-nin payı 28,2 faiz, Avropa İttifaqının payı 24,6 faiz, digər ölkələrin payı 47,2 faizdir.