Nikol Paşinyanın hökuməti
Ermənistanda Nikol Paşinyanın baş nazirlik etdiyi yeni hökumət formalaşıb. Novator.az-ın məlumatına görə, prezident Armen Sərkisyan Nikol Paşinyanın təqdimatlarına baxaraq Ararat Mirzoyanı baş nazirin birinci müavini, Tiqran Avinyanı və Mger Qriqoryanı baş nazirin müavinləri təyin edib.
Zöhrab Mnasakanyan xarici işlər naziri, David Tonoyan müdafiə naziri, Mxitar Ayrapetyan diaspor naziri, Artak Zeynalyan ədliyyə naziri, Qraçya Rostamyan fövqəladə hallar naziri, Atom Cancuqazyan maliyyə naziri, Arsvik Minasyan iqtisadi inkişaf və investisiyalar naziri, Artur Xaçatryan kənd təsərrüfatı naziri, Aşot Akobyan nəqliyyat, rabitə və informasiya texnologiyaları naziri, Artur Qriqoryan enerji infrastrukturu və təbii sərvətlər naziri, Mane Tandilyan əmək və sosial məsələlər naziri, Suren Papikyan ərazi idarəçiliyi və inkişafı naziri, Arsen Torosyan səhiyyə naziri, Lilit Makunts mədəniyyət naziri, Araik Arutyunyan elm və təhsil naziri, Levon Vaqradyan gənclər və idman naziri, Erik Qriqoryan təbiəti mühafizə naziri postlarına gətiriliblər.
Daha əvvəl Milli Təhlükəsizlik Xidmətinin direktoru vəzifəsini Artur Vanetsyan, Ermənistan Polisinin rəisi postunu isə Valeri Osipyan tutub.
Kabinetin nəzdindəki qurumlarda bu şəxslər də yer alır: Narek Sərkisyan (Şəhərsalma Komitəsinin sədri), Sergey Avetisyan (Mülki Aviasiya Baş İdarəsinin rəisi), Martin Sərkisyan (Daşınmaz Əmlakın Kadastrı Komitəsinin sədri), Aşot Martirosyan (Nüvə Təhlükəsizliyi Komitəsinin sədri), Vardan Arutyunyan (Dövlət Gəlirləri İdarəsinin rəisi).
Dövlət Əmlakı İdarəsinin rəisi vəzifəsi boşdur.
Vətəndaş Sazişi Partiyasının sədri olan Nikol Paşinyan mayın 8-dən baş nazirdir.
