Dalaşmaq güc gələndə yemək məsləhətdir
ABŞ-ın Ohayo Universitetinin alimləri sevən cütlüklər arasındakı münaqişələrin səbəblərini araşdırıblar. Novator.az-ın məlumatına görə, sorğu keçirən tədqiqatçılar müəyyən edib ki, orqanizmdə qlükoza çatışmazlığı ailə münaqişəsi riskini artırır.
Alimlər bildirir ki, qanında qlükoza normada olan şəxslər əks cinslə daha az mübahisə edib deyişir. Orqanizmdə qlükoza çatışmayan insanlar isə əksinə, mübahisə etməyə və haqq-hesab çürütməyə daha meylli olur.
Bu prizmadan çıxış edən mütəxəssislər acqarına mübahisə etməyi və münasibətləri aydınlaşdırmağı məsləhət görmür. Alimlər bunu orqanizmdə qlükoza səviyyəsinin aşağı olması və mübahisə zamanı bu göstəricinin daha da enməsi ilə izah edir.
Mütəxəssislər orqanizmdə qlükozanı artırmaq üçün ideal variant kimi şirin qidalar, misal üçün, şokoladlı şirniyyat yeməyi tövsiyə edir. Tədqiqat göstərib ki, şokolad “xoşbəxtlik hormonu” konsentrasiyasını artırır.
Səidə Hüseynova
