Rusiyada dost-düşmən sorğusu
Rusiyanın İctimai Rəy Fondu əhalinin xarici dövlətlərlə münasibətlərə mövqeyini öyrənib. Novator.az-ın məlumatına görə, respondentlərin 59%-i Rusiyanın Belarusla, 58%-i Çinlə, 40%-i Qazaxıstanla ən yaxın dostluq münasibətində olduğunu düşünür.
Dost ölkələr sırasında Türkiyə (26%), Hindistan (21%), Kuba (14%), İran (12%) və Yaponiya da (11%) var.
Sorğuya cəlb olunanların yalnız 10%-ə qədəri dost ölkə kimi Almaniya, Braziliya, Venesuela, İsrail, İtaliya, Fransa, Böyük Britaniya, Ukrayna, Kanada və ABŞ-ın adını çəkib.
Respondentlərin 83%-i Rusiyanın ABŞ-la, 53%-i Ukrayna, 23%-i Almaniya, 10%-i Kanada ilə dost olmadığı qənaətindədir.
Sorğu aprelin 28-29-u Rusiyanın 53 bölgəsində 1500 respondent arasında aparılıb.
Səidə Hüseynova
