Prezident sərəncamları
Dövlət başçısı İlham Əliyev yeni sərəncamlar imzalayıb. Novator.az-ın məlumatına görə, Səbuhi Zəhmət oğlu Şahverdiyev yenidən Naxçıvan Muxtar Respublikasının prokuroru təyin edilib. Səbuhi Şahverdiyev 2002-ci ildən Naxçıvan Muxtar Respublikasının prokurorudur.
Xəzər Rayon Məhkəməsinin hakimi vəzifəsindən çıxarılan Samir İlham oğlu Mayılov isə Goranboy Rayon Məhkəməsinin hakimi postuna keçirilib.
Başqa bir sərəncamla Ağdaş rayonunda on üç min nəfər əhalinin yaşadığı 7 yaşayış məntəqəsini birləşdirən Nehrəxəlil–Kotanarx–Cardam–Tofiqi–Şəmsabad avtomobil yolunun tikintisi məqsədi ilə 2018-ci ilin dövlət büdcəsindən Azərbaycan Avtomobil Yolları Dövlət Agentliyinə 9,6 milyon manat ayrılıb.
