1 milyard adam işığa həsrətdir
Dünyada 1 milyard adam, Yer kürəsi əhalisinin 13%-i elektrik enerjisindən məhrumdur. Novator.az-ın məlumatına görə, Dünya Bankının 2 may açıqlamasında belə deyilir.
Hesabata əsasən, Saxaranın cənubundakı Afrika ölkələri, habelə Mərkəzi və Cənubi Asiyanın bəzi ölkələri elektrik enerjisi çatışmazlığının yaşandığı regionlardır.
Sənəddə dünya əhalisinin işıqdan məhrum olan hissəsinin 87%-nin kənd yerlərində yaşadığı deyilir.
Dünya Bankının açıqlamasına görə, 2010-cu ildən bəri elektrik enerjisinə çıxışı olan insanların sayı xeyli artıb. Məruzədə bildirilir ki, artım tempi saxlanarsa, 2030-cu ilə qədər elektrik enerjisiz qalan insanların sayı 674 milyon nəfərə düşəcək.
Səidə Hüseynova
