Şotlandiyada alkoqola minimal qiymət qoyuldu
Şotlandiya hökuməti alkoqolun minimal qiymətini müəyyən edib. Novator.az xəbər verir ki, mayın 1-də qüvvəyə minən yeni qaydalara əsasən, 0,75 litrlik 13 dərəcəli çaxır 4,88 funt sterlinqdən (11 manat 50 qəpiyə yaxın), 0,7 litrlik viski 14 funtdan (32 manat 80 qəpiyə yaxın) aşağı qiymətə satıla bilməz.
5 dərəcəli 2 litrlik sidr içkisinin qiyməti 5 funtdan (11 manat 70 qəpik) başlayacaq.
Statistikaya görə, 2016-cı ildə Şotlandiyada hər 100 min kişidən 30-u alkoqollu içki səbəbindən həyatını itirib. Şimali İrlandiyada bu göstərici 22, İngiltərə və Uelsdə 14 olub.
Spirtli içkinin minimal qiyməti haqda qanun layihəsi 2012-ci ildə qəbul olunub. Amma Şotlandiya Viski Assosiasiyası layihənin əleyhinə çıxıb. Uzun məhkəmə çəkişmələrindən sonra 2017-ci ilin noyabrında Şotlandiya hakimiyyətinə spirtli içkilərə minimal qiymətin tətbiqi icazəsi verilib.
Səidə Hüseynova
