Vahid Ələkbərov varlılar siyahısında 4-cüdür
“Lukoyl” şirkətinin prezidenti Vahid Ələkbərov Rusiyanın ən varlı 200 biznesmeni arasında 4-cü yerdədir. Ən varlı iş adamlarının siyahısını aprelin 19-da Forbes.ru açıqlayıb.
Novator.az bildirir ki, Vahid Ələkbərovun 16,4 milyard dollar sərvəti var. Ötən ilin reytinqində o, 6-cı sırada yer almışdı.
Daşınmaz əmlak və pərakəndə ticarət üzrə biznesmen Araz Ağalarov 1,8 milyard dollar sərvətlə 54-cü yerdədir.
İnvestisiya sektoru üzrə biznesmen Fərhad Əhmədov 69-cu sıradadır. Onun 1,4 milyard dollar sərvəti olduğu bildirilir.
Siyahıya qara metallurgiya, nəqliyyat infrastrukturu və logistika sahəsində çalışan iş adamı Vladimir Lisin başçılıq edir: 19,1 milyard dollar.
Qara və əlvan metallurgiya, maşınqayırma, turizm sahələri üzrə biznesmen Aleksey Mordaşov 18,7 milyard dollarla ikincidir.
Qaz, neft-kimya sahəsi üzrə biznesmen Leonid Mixelson siyahıda üçüncü yerdə göstərilir Onun 18 milyard dollar sərvəti var.
